.RU

Белоруская мова

1. Сацыяльная прырода мовы

Галоўнай дыфэрэнцыяльнай прыкметай чалавека сярод іншых відаў жывых істот – валоданне членапаздельнай мовай. Без паняцця мовы немагчыма даць азначэнне чалавеку. Падлічана, што каля 80% усяго жыцця чалавек так ці інакш звязана з мовай: 19 гадзін у суткі мы размаўляем, слухаем, чытаем, пішам, думаем самі сабе, разважаем, бачым сны, нешта мармочучы…

Мова – ўнікальнейшая з’ява. Яна адначасова з’ява ідэяльная і матэрыальная, індывідуальная і сацыяльная, самая старажытная і самая свежая; яна адначасова і адрознівае чалавека ад усяго свету жывых істот, і аб’ядноўвае вялікі клас жывых істот у адзін чалавечы род.

З дапамогай мовы чалавек мае доступ да ўсіх незапашаных чалавецтвам ведаў, да ўсяго таго, што ўспрымаюць, ведаюць усе іншыя людзі. Люді здавальняюць свае патрэбы, словамі прымушаючы іншых рабіць што-небудзь за іх. Мы можам гаварыць адно, а думаць другое. Мова злучае не толькі прадстаўнікоў аднаго пакалення, але і розныя гістарычныя пакаленні людзей (дзякуючы пісьмовай форме).

У гісторыі навукі існавалі розныя погляды на мову. Адны вучоныя разглядалі мову як біялягічную з’яву (такую ж, як здольнасць есці, піць, хадзіць, колер вачэй і г.д.), другія – як псіхічную. Але зафіксаваны выпадкі, калі навароджаныя траплялі ў асяроддзе звяроў, і там, зразумела, у іх не развівалася мова, нават не з’яўляецца патрэба ў ей. З гісторыі вядомы і варварскія эксперыменты старажытных часоў, калі грудных дзяцей ад этнічна розных бацькоў пазбаўлялі ўзаемаадносін з людзьмі, каб даведацца, якая мова першародная. Але мэты такія вопыты не дасяглі, бо чалавек павінен навучыцца мове ад іншых людзей, сама па сабе не сфарміруецца нават у генія. Дзіця, незалежна ад нацыянальнасці і генаў бацькоў, пачынае размаўляць на той мове, якую чуе з першых дзен жыцця.


2. Гіпотэзы паходжання мовы

Пытанне аб паходжання мовы з’яўляецца адным з самых складаных і да канца не вырашаных навукай. Пісьменства існуе ўсяго каля 5000 гадоў, а дзесяткі тысяч гадоў мова ўжывалася толькі ў вуснай форме, таму дакладных, строга аргументаваных звестак пра тое, калі і як узнікла мова, якія этапы развіцця яна прайшла, у вучоных няма.

У гіпотэзах паходжання мовы можна ўмоўна выдзеліць два падходы:

1) мова з’явілася натуральным шляхам;

2) мова створана штучна нейкай актыўнай стваральнай сілай.

На ранніх этапах цывілізацыі ўзнікла лагасічная (логасная) тэорыя паходжання мовы. Яна існуе ў некалькіх разнавіднясцях – ведычнай, біблейскай і канфуцыянскай – і пабудована на міфолага-рэлігійных уяўленнях з гэтай гіпотэзай, у аснове свету ляжыць духоўны пачатак, які ўдзейнічае на матэрыю, што знаходзіцца ў хаатычным стане, уладкоўвае яе формы і стварае свет і чалавецтва. Такім чынам, згодна з Бібліяй, Бог даў людзям дзольнасць да мовы, якую яны выкарысталі для наймення рэчаў.

У канцы ХХ ст. лагасічная гіпотэза набыла новае, навуковае, гучанне ў сувязі з адкрыццем структурнага ізамарфізму слова, мовы, свядомасці, генетычнага кода, аб’ектаў мікра- і макрасвету.

З часоў Старажытнай Грэцыі бярэ пачатак гукапераймальная гіпотэза, падтрыманая і развітая ў ХVІІІ – ХVХ стст. Яе сутнасць у тым, што мова ўзнікла праз перайманне (імітацыю) чалавекам гукаў навакольнага свету – шуму ветру, крыку звяроў і г.д. Напрыклад: кі-гік – кігікаць , туп-туп-туп – тупаць , га-га-га – гагатаць і інш. Пры гэтым у розных мовах гэтая імітацыя можа адбывацца па-рознаму. Але такіх слоў няшмат.

Таксама з антычнай філасофіі дайшла да нас выклічнікавая гіпотэза, якая ў больш складаных варыянтах існуе ў навуцы і зараз. Паводле яе, паходжанне мовы звязана з тымі натуральнымі гукамі, якімі насычана біялагічнае жыцце самога чалавека. Ад іх узнікаюць словы тыпу ахаць, войкаць, мыкаць. Пазней, на думку прыхільнікаў гэтай гіпотэзы, сувязь паміж гучаннем слова і эмацыянальным станам чалавека становіцца толькі ўскоснай.

У ХVІІІ ст. у Еўропе пашыраецца тэорыя грамацкай дамоўленасці. Некаторыя яе ідэі былі сфармуляваны ў ХVІІІ ст. англійскім філосафам Т.Гобсам, які лічыў, што маўленне было вынайдзена людзьмі падобна да таго, як пазней яны вынайшлі кнігадрукаванне: нашым першабытным продкам “прыйшло ў галаву” даць назвы рэчам, і дзякуючы гэтаму яны атрымалі магчымасць утрымліваць у памяці думкі, абменьвацца інфармацыяй, бавіць час. Паводле Ж.-Ж. Руссо, у прыродны перыяд жыцця чалавецтва пануюць эмацыянальныя выкрыкі, але па меры набліжэння да цывілізованнага жыцця людзі шукаюць больш зручныя знакі для адносін, якімі становяцца жэсты і гукаперайманні. А далейшая замена жэстаў на гукі патрабавала калектыўнай згоды і слоў, каб увесці ў карыстанне новыя словы і дамовіцца аб іх значэнні.

У ХІХ ст. французкім філосафам Л. Нуарэ была выказана гіпотэза пра тое, што мова ўзнікла ў час калектыўнай працы людзей, якія дапамагалі сабе выкрыкамі пры яе выкананні, і гэтыя працоўныя выкрыкі ляглі ў аснову мовы людзей. Гэтая гіпотэза атрымала назву тэорыі працоўных выкрыкаў.

У апошняй трэці ХІХ ст. Ф. Энгельсам была сфармулявана працоўная (сацыяльная) теорыя паходжання мовы. У адпаведнасці з ей, мова ўзнікае ў выніку сумеснай працоўнай дзейнасці першабытных людзей. Неабходнасць узгадняць свае дзеянні ў час працы стымулявала ўзнікненне і развіцце пэўных гукавых комплексаў, якія ўскладняліся паралельна з развіццем грамацтва, ускладненнем сродкаў працы і ўдасканаленнем свядомасці і мыслення.


3. Функцыі мовы

Мова – слова мнагазначнае, яно абазначае важнейшы сродак чалавечай камунікацыі (чалавечых зносін) увогуле і пэўнай нацыянальнасці, мову асобнага, звычайна творчага, чалавека. Мова – гэта не толькі сістэма гукавых і пісьмовых сродкаў перадачы інфармацыі. Словам “мова”можа абазначацца ўвогуле сістэма выразных сродкаў: мова музыкі і мова тэатра і г.д.

Мова ў жыцці чалавека і грамацства выконвае самыя розныя функцыі. Асноўныя функцыі любой мовы – камунікатыўная, г.зн. мова з'яўляецца асноўным сродкам зносін паміж людзьмі, і кагінтыўная, або пазнавальная. Пры дапамозе гэтых дзвюх функцый асоба атрымлівае інфармацыю ад іншых людзей ці грамацкай суполкі, людзі разумеюць адзін аднаго, перадаюць патрэбную інфармацыю іншым асобам. Але з дапамогай мовы людзі не толькі могуць, паведамляць адзін аднаму патрэбную інфармацыю, але і назапашваць веды, фіксаваць, класіфіксаваць, абагульняць пэўныя інтэлектуальныя дасягненні чалавецтва.

3 пазнавальнай цесна звязана намінатыўная функцыя мовы, якая ажыццяўляе сувязь чалавека з навакольным светам. Пры дапамозе намінатыўнай функцыі чалавек называе прадметы, з'явы рэчаіснасці, дзеянні, прыкметы і г.д. Часам вельмі легка растлумачыць, чаму той ці іншы прадмет назвалі пэўным словам. Напрыклад, слова панядзелак утворана ад дзвюх частак – па, пасля і нядзеля, г.зн. які ідзе пасля нядзелі. Аднак паходжанне большасці слоў беларускай мовы зараз вельмі цяжка, а часам і ўвогуле немагчыма растлумачыць.

Сярод іншых функцый моў можна адзначыць, напрыклад, рэгулятыўную, ці фактычную, пры дапамозе якой людзі наладжваюць кантакты паміж сабой, уступаюць у дыялогі і замыкаюць іх, рэгулююць адносіны паміж сабой.

Пры дапамозе слоў і іншых лінгвістычных сродкаў чалавек не толькі можа перадаваць інфармацыю, але і выражаць разнастайныя пачуцці, а праз іх выражаць сябе як асобу. Такая функцыя мовы называецца эмацыянальнай. Гэтая функцыя праяўляецца ў інтанацыях, ацэнках, выклічніках.

Паколькі словы з'яўляюцца сродкамі мастацкай творчасці, то мова валодае яшчэ і эстэтычнай функцыяй. Пры дапамозе слова можна ўздзейнічаць на пачуцці і думкі чалавека, рэгуляваць яго дзейнасць, вклікаць у яго шмат эмоцый. Прычым гэта дасягаецца не толькі змястоўным афармленнем тэксту, але і самой вонкавай формай слоў: падборам гукаў, гукавых спалучэнняў, рытму, мілагучнаці, вобразнасці маўлення.

Адной з важных функцый мовы з'яўляецца этнічная, калі мова выступае як сімвал нацыі. Як правіла, у працэсе маўлення названыя функцыі мовы перакрыжоўваюцца, спалучаюцца паміж сабой.

4. Мова і культура

У кожнай мове адбіваецца жыццевы і духоўны вопыт народа – стваральніка і карыстальніка мовы. Некаторыя вучоныя нават лічаць, што кожны народ бачыць свет праз прызму сваей роднай мовы, бо, з‘яўляючыся своеасаблівым кодам культуры, мова ў пэўнай ступені вызначае светапогляд і менталітэт народа, г.зн. яго псіхічную і нацыянальна-культурную адметнасць. Прадметы і з'явы, якія адыгрываюць важную ролю ў жыцці пэўнага народа, маюць больш разнастайных назваў, чым аб'екты, якія не сустракаюцца або рэдка сустракаюцца ў жыцці.

Напрыклад, прыкметнай адзнакай ландшафту Беларусі з'яўляецца балота, і беларуская мова мае больш за 20 яго назваў. Затое ў нашай мове зафіксавана толькі адна назва такой жывеліны, як вярблюд, у той час як у арабскай мове даследчыкамі адзначаецца каля 5000 розных яго назваў.

Самымі старажытнымі помнікамі, якія даюць магчымасць пранікаць у глыбіню гісторыі, культуры народа, з'яўляюцца тапонімы. На карце Радзімы няма, напэўна, ні воднай выпадковай народнай назвы: яна заўседы вынікае з асаблівасцей прыроднага асяроддзя, умоў вытворчай дзейнасці, звязана з гістарычным мінулым чалавека.

Надзвычай ярка нацыянальная адметнасць праяўляецца ў фразеалогіі. Напрыклад, сквапны рускі “за копейку удавится”, а беларус “за рубель жабу ў Вільню пагоніць”; у беларусаў многа – гэта “сабакі не ліжуць”; у рускіх – “куры не клюют”. Старажытныя рымляне пра непатрэбную працу казалі “іn sіlvаmlіgnа fеrrе” (насіць дровы ў лес). У беларусаў на гэты выпадак есць прыказка: “У крыніцу ваду не носяць”, у рускіх “Ехать в Тулу со своим самоваром”, у французаў – “Роtеr dе І’еаuа lа mеr” (Насіць ваду ў мора) і г.д.

Такім чынам, пры супастаўленні аналагічных паняццяў, сітуацый у розных культурах і мовах відавочна праяўляецца нацыянаяьна-культурная спіцыфіка.

У любой мове есць словы, якія значаць больш, чым вызначаны аб'ем іх значэння ў слоўніку, набылі дадатковае культуралагчнае значэнне, выступаюць сімвалам краіны. Вельмі часта гэта назвы расліннага і жывельнага свету. Такімі словамі-сімваламі для беларусаў, напрыклад, з'яўляюцца бусел і зубр, васілек і шыпшына, вярба і рабіна. Сакура асацыіруецца з Японіяй, бяроза – з Расіяй, а лаўр – сімвал Іспаніі.


bezrabotica.html
bezrogov-vitalij-grigorevich-chto-nashel-na-zemle-chelovek-chego-ne-nashel-bog.html
bezubitochnost-proizvodstvennogo-predpriyatiya-i-torgovo-posrednicheskoj-organizacii.html
bezumiya-nikolaj-rerih.html
bezuprechnij-vneshnij-vid-eto-tolko-polovina-uspeha-nekotorie-izvestnie-lyudi-proizvodyat-horoshee-vpechatlenie-tolko-do-teh-por-poka-ne-raskroyut-rot-rech-cheloveka-eto-vizitnaya-kartochka-kotoraya-vsegda-s-soboj.html
bezuslovnie-pokazaniya-detskaya-anesteziologiya-i-reanimatologiya-mihelson.html
  • uchenik.bystrickaya.ru/100-velikih-gorodov-miramoskva-veche2007-477s100-velikih-stranica-10.html
  • zanyatie.bystrickaya.ru/mchs-gotovit-samoleti-dlya-evakuacii-rossiyan-iz-livii-internet-resurs-itar-tasscom-21022011.html
  • ekzamen.bystrickaya.ru/sovershenstvovanie-umenij-i-navikov-chteniya-inoyazichnih-tekstov-u-studentov-neyazikovih-vuzov.html
  • klass.bystrickaya.ru/9-usloviya-realizacii-oop-v-sootvetstvii-s-fgos-osnovnaya-obrazovatelnaya-programma-visshego-professionalnogo-obrazovaniya.html
  • uchit.bystrickaya.ru/tema-agrarnaya-reforma-v-sovremennoj-rossii-i-kollektivnie-hozyajstva-krestyan.html
  • grade.bystrickaya.ru/o-chem-rasskazal-zamestitel-ministra.html
  • nauka.bystrickaya.ru/uchebno-metodicheskij-kompleks-po-discipline-prikladnaya-ekologiya-nazvanie.html
  • tests.bystrickaya.ru/lovell-p-mars-i-zhizn-na-nyom-metodicheskie-rekomendacii-po-organizacii-raboti-s-odarennimi-detmi.html
  • laboratory.bystrickaya.ru/uzli-upravleniya-fire-extinguishing-and-alarm-systems-desinging-and-regul-ations-norms-vzamen-snip-04-09-84-npb.html
  • education.bystrickaya.ru/23-sovremennaya-globalizaciya-vizov-suverenitetu-gosudarstv-otchet-o-nauchno-issledovatelskoj-rabote-po-teme.html
  • klass.bystrickaya.ru/analiticheskaya-filosofiya-soznaniya-chast-2.html
  • literatura.bystrickaya.ru/russko-polskie-otnosheniya-kniga-antona-denikina-avtobiografiya-legendarnogo-russkogo-generala-odnogo-iz-rukovoditelej.html
  • ucheba.bystrickaya.ru/prezentaciya-na-temu-krestyanskaya-reforma-1861-g.html
  • urok.bystrickaya.ru/primechaniya-russko-yaponskaya-vojna-19041905-gg.html
  • lesson.bystrickaya.ru/nalogooblozhenie-nds-operacij-s-cennimi-bumagami-chast-2.html
  • lesson.bystrickaya.ru/pravila-provedeniya-kollokviuma-i-ekzamena-3-chast-stranica-2.html
  • letter.bystrickaya.ru/nauchno-issledovatelskaya-rabota-studentov.html
  • abstract.bystrickaya.ru/22-opredelenie-na-znamenitost-sdrzhanie.html
  • knigi.bystrickaya.ru/sostavlenie-razdela-vliyanie-avtodorozhnogo-kompleksa-na-okruzhayushuyu-sredu.html
  • learn.bystrickaya.ru/formi-i-razmeri-mikroorganizmov.html
  • grade.bystrickaya.ru/na-zasedanii-soveta-shkoli-stranica-5.html
  • writing.bystrickaya.ru/a-v-chyom-problema-kurdyumov-umnij-sad.html
  • uchitel.bystrickaya.ru/razrabotka-ontologij-101-rukovodstvo-po-sozdaniyu-vashej-pervoj-ontologii.html
  • pisat.bystrickaya.ru/teoreticheskie-osnovi-proektirovaniya-shahtnih-radialno-vihrevih-pryamotochnih-ventilyatorov.html
  • literatura.bystrickaya.ru/spisok-ispolzovannih-istochnikov-fenomen-bilingvalnoj-lichnosti-publicista-lingvokognitivnij-i-sopostavitelnij.html
  • write.bystrickaya.ru/glava-45-amonashvili-sh-a-amon-pa-legenda-o-kamne.html
  • vospitanie.bystrickaya.ru/za-dengami-monitoring-po-teme-torgovlya-lyudmi-publikacii-v-pechatnih-i-onlajn-smi-osveshenie-problematiki-informacionnimi.html
  • report.bystrickaya.ru/gosudarstvennij-universitet-ocenka-parametrov-sherohovatoj-poverhnosti-posredstvom-zondirovaniya-korotkim-svetovim-impulsom-magisterskaya.html
  • college.bystrickaya.ru/1-izmett-sinushi-turali-mlmet-ostanaj-oblisi-kmdgn-densauli-satau-basarmasi.html
  • testyi.bystrickaya.ru/annotirovannij-spisok-literaturi-anivskaya-cbs-db-sost-g-coj-aniva-2010-13-s-v-pomosh-rabote.html
  • zadachi.bystrickaya.ru/otrazhenie-v-uchete-likvidacii-organizacii.html
  • esse.bystrickaya.ru/publichnij-otchet-o-deyatelnosti-gou-shkoli-346-za-2010-2011-uchebnij-god.html
  • crib.bystrickaya.ru/issledovanie-roli-samoprezentacii-v-processe-vospriyatiya-cheloveka-chelovekom-opublikovano-teoreticheskaya-eksperimentalnaya-i-prikladnaya-psihologiya-sbornik-nauchnih-trudov.html
  • control.bystrickaya.ru/dialoga-zhivaya-kletka-64.html
  • otsenki.bystrickaya.ru/sposobnosti-talant-genij-kniga-prinadlezhit-k-vesma-populyarnomu-zhanru-sbornikov-mudrih-mislej-umnih-viskazivanij.html
  • © bystrickaya.ru
    Мобильный рефератник - для мобильных людей.